Həmsədrlərin fəaliyyəti düşmən üçün fürsət yaradır

ATƏT-in Minsk Qrupu həmsədrlərinin Parisdə Azərbaycan və Ermənistan xarici işlər nazirləri ilə görüşündən sonra verdiyi bəyanat Azərbaycanın müqavimət göstərdiyini sübut edir. Bakı ermənipərəst təşkilatın praktiki fəallaşmasının qarşısını almağa çalışır.

Həmsədrlərin bəyanatının məzmununa baxanda belə təəssürat yaranır ki, siyasi məsələlərin substantiv müzakirəsi üçün mühit yaradılır. Məhz burada Azərbaycan praktiki siyasi müzakirələr olacağı təqdirdə ciddi problemlərin yaranacağını anlayaraq mümkün qədər müqavimət göstərməyə çalışır.

Həmsədrlər yaxşı bilir ki, bu halda Bakının siyasi, hətta hərbi-siyasi üstünlüyü ikinci plana keçə bilər, həm Ermənistan, həm də Azərbaycanın problemləri və ya ciddi siyasi çağırışları olacaq. Yəni İrəvan bununla da müharibəni uduzan, status-kvonu itirmiş hərbi-siyasi tərəf olmaqla, siyasi baxımdan ilkin “bərabər” şərt əldə etməyə çalışır. Buna səbəb Minsk Qrupunun siyasi prosesi gözləmədən fəaliyyətini “humanitar” problemlərin həlli üzərində qurmağa çalışmasıdır.

Başqa sözlə, həmsədrlər bir tərəfdən Bakını “dəstəkləyərək”, Bakıya “təklif” edən məntiq çərçivəsində oynayırlar, digər tərəfdən Minsk Qrupunun həmsədrlərinin fəaliyyətini yenidən qurmağa və ya yenidən təşkil etməyə çalışırlar. Görünür, burada həmsədrlərin ümumi düşüncəsi və ya yanaşması formalaşıb, bunu Azərbaycan və Ermənistan nazirləri ilə görüşdə noyabrın 9-da üçtərəfli bəyanatın icrasının müzakirəsi də sübut edir.

Əgər aylar əvvəl həmin bəyanatla bağlı Rusiyaya sualları vardısa, bu gün həmin bəyanatın icrası ilə bağlı sualları var. Hətta Moskvanın məntiq meydanında təkcə Bakının əks-oyunu yox, Rusiyanın blefi olsa belə, ABŞ və Fransanın həmsədrləri qarşılıqlı oyun ehtimalını xeyli azaldırlar. Və əgər Moskva blef etməsə, o zaman bu halda Ermənistanın vəziyyəti daha mürəkkəb ola bilər ki, bunu da İrəvanda son həftələrdə baş verən əsəbi fəaliyyətlər sübut edir.

Aqil Məmmədov

Alət çubuğuna keç