Hulusi Akar: Türkiyənin səbri tükənib

ANKARA

Terrorçular Türkiyə sərhədlərini daha çox təhdid edir. Onların aradan qaldırılması istiqamətində addımlar qətiyyətlə davam etdirilir.

Bunu çərşənbə axşamı Türkiyənin Milli Müdafiə naziri Hulusi Akar Suriya ilə sərhəddə 3 hərbçinin ölümünə cavab olaraq başlayan əməliyyatın gedişatını şərh edərkən deyib.

Yanvarın 8-i şənbə günü Türkiyənin Şanlıurfa vilayətinin Akçakale bölgəsində PKK/YPG terrorçuları tərəfindən quraşdırılan partlayıcı qurğu işə salınıb.

Hulusi Akar bildirib ki, Akçakale bölgəsində hərbçilərin ölümündən dərhal sonra cavab tədbirləri görülüb.

“Bu gün 22 terrorçu artıq zərərsizləşdirilib. PKK/YPG terrorçularının hədəfləri sərt şəkildə vurulur”, – deyə Akar bildirib.

Milli Müdafiə naziri əmin edib ki, Türkiyə ordusu kənardan gələn təhdidlərə layiqli cavab verir. “Əməliyyatlar daha da sürətli olacaq. Türkiyənin səbri tükənib” deyən Akar, Türkiyənin bütün tərəflərdən [Rusiya və ABŞ-dan] Suriya ilə bağlı razılaşmalardan irəli gələn öhdəlikləri yerinə yetirmələrini gözlədiyini bir daha vurğuladı.

 

Alət çubuğuna keç